Quiero saber acerca de...

3

Núm. 54 mércores, 6 de marzo de 2019

BOP de Lugo
b Cumprir o obxectivo, realizar a actividade ou adoptar o comportamento que fundamenta a concesión das subvencións.
c Acreditar ante a Excma. Deputación Provincial a realización da actuación ou a adopción do comportamento, así como o cumprimento dos requisitos e condicións que determinen a concesión ou goce da subvención.
d Someterse ás actuacións de comprobación, que efectuará a Excma. Deputación Provincial, así como calquera outras de comprobación e control financeiro que poidan realizar os órganos de control competentes, achegando canta información lle sexa requirida no exercicio das actuacións anteriores.
e Comunicar á Deputación Provincial a obtención de subvencións/axudas ou patrocinios sen achega económica para a mesma finalidade, procedentes de calquera Administracións ou Entes Públicos ou privados, nacionais ou internacionais. Esta comunicación deberá efectuarse tan axiña como se coñeza e, en todo caso, con anterioridade á xustificación da aplicación dada aos fondos percibidos.
f Acreditar que se atopa ao corrente no cumprimento das súas obrigas tributarias Axencia Tributaria Estatal, Facenda autonómica e Servizo de Recadación Provincial ou fronte á Seguridade Social.
g Conservar os documentos xustificativos da aplicación dos fondos recibidos, en tanto poidan ser obxecto das actuacións de comprobación e control.
h Comunicar, no seu caso, a solicitude de declaración de concurso voluntario, de declaración de insolvente en calquera procedemento, e declaración en concurso, e no seu caso da sentenza de eficacia dun convenio, ou se estiver suxeito a intervención xudicial ou fose inhabilitado conforme á Lei 22/2003, de 9 de xullo, concursal sen que concluíse o período de inhabilitación fixado na sentenza de cualificación do concurso.

j Comprometerse a incluír a imaxe corporativa da área de Deportes da Excma. Deputación Provincial e de acordo co establecido no artigo 7, apartados 3 e 4, da Ordenanza de Uso da Lingua Galega da Deputación de Lugo, publicada no BOP de Lugo número 212, de data 14 de setembro de 2016, o beneficiario desta subvención deberá cumprir o requisito de facer en galego, en calquera soporte, as campañas publicitarias e de promoción de actividades cursos, xornadas, conferencias, festas, espectáculos, actividades deportivas, festivais, campionatos, etc., incluídas desta subvención. A imaxe será cedida pola Institución Provincial.
k.- Os beneficiarios comprométense coa utilización nas publicacións, nos carteis, na publicidade e en toda produción escrita e en todos aqueles soportes de imaxe ou de audio que ao uso as entidades utilicen para publicitar a actividade ou adquirir o comportamento subvencionado, dunha linguaxe non sexista e inclusiva, así como o uso de imaxes publicitarias que en ningún caso vulneren a dignidade da muller.
l Os beneficiarios comprométense a colaborar, coa precisa previa planificación, nas actividades de fomento do deporte de base programadas pola Área de Innovación, Participación Cidadá, Mocidade e Deporte e, especialmente, mediante a participación dos xogadores/as, adestradores e equipo técnico nas actividades, cursos, conferencias ou clínics dirixidos a deportistas de base e á comunidade educativa, naquelas campañas ou actos que a Área puidese deseñar e desenvolver no campo da igualdade de xénero e de promoción do deporte entre colectivos de capacidades diferentes.
m Non desenvolver dentro da actividade subvencionada, actuacións que inclúan tácita ou implicitamente contidos ou publicidade sexista e que se poidan considerar discriminatorias, vexatorias ou que xustifiquen, banalicen ou inciten á desigualdade de xéneros ou á violencia de xénero, de acordo coa lexislación vixente en materia de igualdade entre homes e mulleres e de protección contra a violencia de xénero.
n Establécese que, cando menos o 5% do custo total da actividade subvencionada, deberá ser financiado con recursos propios da entidade beneficiaria.
ñ A colocación no lugar de competición como local e en lugar visible estadio, cancha, etc da imaxe corporativa da Deputación Provincial de Lugo, nos distintos soportes utilizados na realización da actividade ou comportamento.
o Lucir, no seu caso, na indumentaria, de acordo coa normativa reguladora da respectiva competición, a imaxe institucional da Deputación de Lugo.
En todo caso, aqueles clubs que, por razóns debidamente acreditadas a xuízo da Deputación de Lugo, non poidan cumprir as obrigas previstas neste dous últimos puntos, deberán comunicalo canto antes, achegando alternativas que permitan satisfacer as necesidades de difusión. Nestes casos, a Deputación de Lugo, decidirá motivadamente a autorización ou non das alternativas propostas.
O abandono ou expulsión dun club deportivo da competición na que estea inscrito antes da finalización da temporada deportiva, calquera que sexa a razón, dará lugar ao reintegro da totalidade das contías percibidas e a esixencia do xuro de mora correspondente dende o momento do pagamento da achega ata a data na que se acorde a procedencia do reintegro, ou a data na que o debedor ingrese o reintegro se é anterior a esta, de conformidade con canto se establece no artigo 16 da Ordenanza Xeral de subvencións desta Deputación, no artigo 34.3 da Lei 38/2003, do 17 de novembro, Xeral de subvencións e no artigo31.5 da Lei 9/2007, do 13 de xuño de Subvencións de Galicia.

Anuncio publicado en: Num BOP 54 año 2019 04/03/2019 14:04:15
06/03/2019 08:00:00

i Identificar convenientemente, para os efectos de difusión pública, as actuacións que se realicen.