Quiero saber acerca de...

VENRES, 1 DE MARZO DE 2019

N.º 051

EXCMA. DEPUTACIÓN PROVINCIAL DE LUGO
SERVIZO DE RECURSOS HUMANOS
Anuncio PUBLICACIÓN DO ACORDO DA XUNTA DE GOBERNO DE DATA 22 DE FEBREIRO DE 2019 POLO QUE SE
RESOLVE A PROPOSTA DE AMPLIACIÓN DE PRAZOS PARA RESOLVER O EXPEDIENTE DE PROVISIÓN DE
POSTOS DE TRABALLO DO PERSOAL FUNCIONARIO DESTA DEPUTACIÓN PROVINCIAL.
Anuncio relativo ao acordo da Xunta de Goberno de data 22 de febreiro de 2019 que literalmente dí:
Logo de ver a proposta do Sr. Deputado Delegado de Goberno Interior, Asuntos Xerais e Formación, do seguinte teor:

Nas bases da convocatoria prevese que o prazo para a presentación de solicitudes de aspirantes será de 15 días, contados a partir do día seguinte da publicación do anuncio da convocatoria no BOE.
Igualmente, as citadas bases base 10 establecen que o prazo para a resolución do concurso será de dous meses desde o día seguinte ao remate do prazo de presentación de instancias, consonte ao artigo 47 do RD 364/95, de 10 de marzo.
No BOE nº 299, do mércores, 12 de decembro de 2018, foi publicado o dito anuncio, que abre o prazo de presentación de solicitudes, que rematou o 4 de xaneiro de 2019.
A tramitación do dito expediente está encomendada ao Servizo de Recursos Humanos.
Segundo o responsable do dito Servizo, estase a realizar simultaneamente á tramitación deste expediente os trámites encomendados relativos ao expediente de provisión de determinados postos de traballo do persoal laboral;
os expedientes de selección de persoal para a constitución de listaxes de emprego temporal de diversas categorías;
o expediente de selección de persoal de varias prazas vacantes e dotadas para a súa cobertura definitiva, correspondentes ás Ofertas de Emprego Público dos anos 2017 e 2018; o expediente de avaliación do desempeño correspondente ao período comprendido entre o 1 de decembro de 2017 e o 30 de novembro do 2018; ademais das actividades ordinarias de xestión das funcións encomendadas ao Servizo de Recursos Humanos.
Á vista desta situación, conforme ao previsto no artigo 21.5 da Lei 39/2015, de 1 de outubro, do Procedemento Administrativo Común das Administracións Públicas, habilitáronse medios persoais adicionais ao Servizo de Recursos Humanos para tentar cumprir co despacho adecuado e en prazo deste expediente de provisión de determinados postos de traballo de persoal funcionario e resolver e notificar no inicial prazo previsto nas bases da convocatoria.
Pese ao anterior, considerando que esta situación de grande acumulación de traballo fai imposible, cos medios materiais e humanos dispoñibles, incluídos os adicionalmente achegados, que o expediente se poida resolver no prazo de dous meses dende o remate do prazo de presentación de solicitudes, conforme ao establecido no artigo 47.1 do Real Decreto 364/1995, de 10 de marzo, polo que se aproba o regulamento xeral de ingreso do persoal ao servizo da administración xeral do estado e de provisión de postos de traballo e de promoción profesional dos funcionarios civís da administración xeral do estado, de aplicación supletoria, como consecuencia da previsión contida no artigo 168 do Real Decreto Lexislativo 781/1986, de 18 de abril, polo que se aproban as disposición legais vixentes en materia de réxime local.
Tendo en conta a normativa de aplicación para a tramitación deste expediente, singularmente o previsto na Lei 7/1985, de 2 de abril, de Bases de Réxime Local; na Lei 39/2015, de 1 de outubro, do Procedemento Administrativo Común das Administracións Públicas; no Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público EBEP; na Lei 2/2015, do 29 de abril, do Emprego Público de Galicia e no Real Decreto 364/1995, de 10 de marzo, polo que se aproba o Regulamento Xeral de Ingreso do persoal ao servizo da administración xeral do estado e de provisión de postos de traballo e promoción profesional dos funcionarios civís da administración xeral do estado.

Anuncio publicado en: Num BOP 51 año 2019 28/02/2019 14:15:18
01/03/2019 08:00:00

No BOP nº 257, do venres 9 de novembro do 2018, foi publicado o acordo da Xunta de Goberno da Deputación Provincial de Lugo, de 19 de outubro de 2018, polo que se convoca procedemento de provisión de determinados postos de traballo singularizados da Entidade Provincial por funcionarios de carreira.